વહાલા જ્ઞાતિજનો

જત મારી આગામી બે વર્ષ એટલે કે 2024 થી 26 ની મુદત માટે  કોટીઅર્ક મુકામે પ્રમુખ તરીકે વરણી કરી તે બદલ સર્વે જ્ઞાતિજનોનો હું હૃદય પૂર્વક આભાર માનું છું

આમ તો વર્ષોથી હું મંડળ જોડે જુદા જુદા હોદ્દાઓ ઉપર રહી સેવા આપી રહ્યો છું પણ મને પ્રમુખ તરીકેની મુદત માટે નિમણૂક કરી એ બદલ દરેકનો ખૂબ ખૂબ આભાર

આગામી બે વર્ષ માટે મારે આપણા સમસ્ત જ્ઞાતિજનોને શક્ય એટલા નજીક આવે તેવા પ્રયત્નો કરવા છે તેના માટે મારે ધાર્મિક પ્રવાસ,વિદેશ પ્રવાસ,સીનીયર સીટીઝન નો પ્રોગ્રામ,યુવાનો માટે નો પ્રોગ્રામ,આવી રીતે જુદા જુદા કાર્યક્રમો કરવા વિચાર છે મને આશા છે કે સર્વે જ્ઞાતિજનો મારા આ કાર્યક્રમમાં ખૂબ જ સહકાર તથા પ્રેમ થી ભાગ લેશે

આપણા માટે ગૌરવની વસ્તુ છે કે આપણા મોદી પંચ દ્વારા અમદાવાદમાં સરસ એક ઓફિસ સારા લોકેશનમાં રાખી શક્યા છીએ ઉપરાંત હજુ એક બીજું મોટા બિલ્ડીંગનું પણ આયોજન થઈ રહ્યું છે આ કાર્યો માટે દાતાઓનો ખુબ ખુબ આભાર માનીએ છીએ

આપણી જ્ઞાતિની એક વેબસાઈટ તથા મોદી પંચની એપ પણ બનાવેલી છે તેનો સારામાં સારો જ્ઞાતિજનો ઉપયોગ કરી શકે તેવો અમારો પ્રયત્ન રહેશે

આનંદ પણ એ થાય છે કે આપણી જ્ઞાતિમાં હવે ઠાકોરજીની કૃપાથી સારા એવા જ્ઞાતિજનો સુખી સંપન્ન થયા છે પણ થોડાક પણ જ્ઞાતિજનો માટે આપણે સારી મદદ કરી શકીએ તથા જ્ઞાતિ માટે સારામાં સારી સગવડો આપી શકીએ તેના માટે  દાનવીરો ની જરૂર રહેશે જે આપણને મળી રહેશે તેવી આશા રાખું છું

આપણા મંડળના કોઈપણ કામ માટે આપણી અમદાવાદ તથા મોડાસાની ઓફિસ નો સંપર્ક કરી માહિતી મેળવી શકો છો ઉપરાંત અમારા હોદ્દેદારોના સંપર્ક કરવાથી પણ આપ માહિતગાર થશો

આપનો

હરેન્દ્ર જયંતીલાલ શાહ(વડોદરા)

મૂળ વતન: મેઘરજ

9974706241

|| જય શ્રી કૃષ્ણ ||

 

મારું નસીબ છે કે મને શ્રી મોડાસા એકડા વિશા ખડાયતા મોદીપંચ યુવા પાંખના પ્રમુખ તરીકે સેવા કરવાનો અવસર મળ્યો છે. આ બિરુદ માત્ર માન-સન્માન માટે નથી, પણ એક મોટી જવાબદારી છે, જે હું પૂરા આત્મવિશ્વાસ અને પ્રામાણિકતાથી નિભાવવા તૈયાર છું.

 

યુવા પેઢી એ આપણું ભવિષ્ય છે. તેઓમાં શક્તિ છે, વિદ્યા છે અને આપણા સમાજને નવી ઊંચાઈઓએ લઈ જવાની ક્ષમતા છે. મારો મુખ્ય ઉદ્દેશ છે કે યુવા પેઢીને તેમની શક્તિનો ઉપયોગ સમાજના સર્વાંગી વિકાસ માટે કરવા પ્રેરિત કરવો.

 

હું દરેક યુવાનને મનોયોગ સાથે સમાજસેવામાં જોડાવા, શિક્ષણમાં ઉત્તમતા હાંસલ કરવા અને આદર્શ નાગરિક બની આપણા સમાજને મજબૂત બનાવવામાં મદદ કરવા આમંત્રણ આપું છું.

 

આ પદ પર રહીને હું યુવાનોના હિત માટે વિવિધ પ્રવૃત્તિઓ અને કાર્યક્રમો યોજીશ, જ્યાં તેઓ પોતાની પ્રતિભા વિકસાવી શકે અને સમાજમાં પોતાનું યોગદાન આપી શકે.

 

આ તકે, હું તમામ વરિષ્ઠ આગેવાનો, સભ્યો અને યુવા સાથીઓનો આભાર માનું છું કે તેમણે મારી પર આટલો ભરોસો રાખ્યો છે. આપના સહકાર અને માર્ગદર્શનથી હું મારી ફરજ પ્રામાણિકતાથી નિભાવવાનો પૂરતો પ્રયત્ન કરીશ.

 

સાદર,

[ સમીર કુમાર રજનીકાન્ત શાહ ]

મૂળ વતન : મોટી કાંટડી

પ્રમુખ

શ્રી મોડાસા એકડા વિશા ખડાયતા મોદીપંચ યુવા પાંખ

 

ll જૈ જૈ શ્રી ગોકુલેશ ll

મારી જ્ઞાતિ સાથી બહેનો,

પ્રભુ કૃપા અને વલ્લભ ના આશીર્વાદ થી કોટયર્ક મુકામે યોજાયેલ જનરલ સભામાં સર્વાનુમતે મારા માં વિશ્વાસ મૂકી મારી પ્રમુખ તરીકે 2024-26 ની ટર્મ માટે વરણી કરી જે માટે આપ સર્વે બહેનો નો ખુબ ખુબ આભાર. આમતો મંડળ ના વિવિધ હોદ્દા ઉપર અને અનેક મહિલા સંગઠન માં સેવા આપી છે જેના અનુભવે હું આપ દ્વારા થયેલ નિયુક્તિ ને યોગ્ય ન્યાય આપીશ તેનો મને વિશ્વાસ છે.

મારો સદાય એ પ્રયત્ન રહેશે કે જ્ઞાતિ ની બહેનો એક બીજા ની નજીક આવે અને તેઓમાં જાગૃતિ આવે સાથે સાથે એકદિવસીય પિકનિક ના આયોજન દ્વારા મનોરંજન અને પુષ્ટિમાર્ગીય શિબિર દ્વારા ધાર્મિક જ્ઞાન મળે તેવો મારો પ્રયત્ન રહેશે.

આ ઉપરાંત ઑનલાઇન ના માધ્યમ થી વિવિધ સ્પર્ધાઓ અને શિબિરો અને ગર્ભ સંસ્કાર જેવા પરિસંવાદ દ્વારા જાગૃતિ લાવવાના પ્રયત્ન માં આપની હાજરી મારું પીઠબળ વધારશે. આપણી બહેનો માં રહેલી ટેલેન્ટ ને બહાર લાવવા મોટા પાયે ટેલેન્ટ શો નું આયોજન થાય તેવી મારી યોજના છે શ્રી પ્રભુ શક્ય તેટલા પ્રોજેક્ટ મારા દ્વારા પૂર્ણ થાય તેવી શક્તિ આપે અને આપ સર્વે તેમાં સહકાર આપો તેજ અપેક્ષા છે.

આપ આપના સૂચનો અથવા કોઈપણ માહિતી માટે મારો મોબાઈલ અથવા વોટ્સએપ ના માધ્યમ થી ક્યારે પણ સંપર્ક કરી શકો છો.

મીતા વિપુલ શાહ

મૂળ વતન : માલપુર

 

વહાલા જ્ઞાતિજનોને જય જય શ્રી ગોકુલેશ.

 

      કોટયૅક મુકામે મળેલી સામાન્ય સભામાં મારી પ્રમુખ તરીકે ની વરણી કરી તે બદલ સૌ જ્ઞાતિજનો નો આભાર માનું છું. 

      હું છેલ્લા ઘણા વર્ષોથી મોદી પંચની  વિવિધ સંસ્થાઓ સાથે સંકળાયેલો છે. ખાસ કરીને જે બી શાહ તબીબી સહાય સોસાયટીમાં મેં છેલ્લા દસ વર્ષથી ઉપપ્રમુખ તરીકે કામ કર્યું છે. મેં અનુભવ્યું છે કે આપણે સમાજના જરૂરીયાતમંદ જ્ઞાતિજનોની વૈદકીય મદદ માટે જે અરજીઓ આવે છે તેમને આપણે પુરતી મદદ આપી શકતા નથી. જેનું કારણ આપણુ ભંડોળ ઓછુ છે. વ્યાજની આવક સીમિત હોવાથી આપણે  મદદ કરી શકતા નથી.

     મારું ધ્યેય ભંડોળ વધારવાનું છે તે માટે આપ સૌની જરૂર છે. આપણા સમાજના ઘણાબધા જ્ઞાતિજનો ઘણા સુખી અને સંપન્ન છે જ્યારે આપણે આપણા સમાજના જ્ઞાતિજનોને વૈદકીય સારવાર માટે પૂરતી મદદ આપી શકતા નથી. આ માટે હું આપસૌ જ્ઞાતિજનોને વિનંતી કરું છું કે આપ  ફૂલ નહીં તો ફૂલની પાંખડી રૂપે પણ  દાન નો પ્રવાહ વહાવશો જેથી જરૂરિયાતમંદ સભ્યોને સહાય કરી શકાય. આશા રાખું છું કે આપ સૌ મારી  વિનંતી ને ધ્યાન માં રાખી ભંડોળ વધારવામાં મદદ કરશો.

     આ માટે મારા સાથી હોદ્દેદારો નો સંપર્ક કરી શકો છો.

 

આપનો જ્ઞાતિજન 

ચિરાગભાઈ  હસમુખલાલ શાહ 

સુરત (વતન : મેઘરજ)

૯૮૨૪૧૯૧૪૯૮